Həkim haqqında Akne Klinik

Akne Klinik - Peşəkar Dermatoloq və Kosmetoloq

Akne Klinik dermatologiya, dəri cərrahiyyəsi və estetik kosmetologiya sahəsində müasir müayinə və müalicə üsullarını tətbiq edən klinikadır. Klinikada dəri xəstəliklərinin diaqnostikası və müalicəsi, eləcə də lazer prosedurları, dolğu, botoks və digər kosmetoloji xidmətlər həyata keçirilir. Klinikanın aparıcı həkimi Dermatoloq Mehdi Mahmudi 2002-ci ildə Təbriz Tibb Universitetindən məzun olmuşdur. O, 2000-ci ildən etibarən Erbium lazer resurfacing üsulunun post-akne çapıqlarının müalicəsində tətbiqi və mümkün əks təsirləri mövzusunda tədqiqat aparmış, 2002-ci ildə bu mövzu üzrə elmi işini yüksək dərəcə ilə müdafiə etmişdir. Dermatologiya sahəsində lazer kimi müasir texnologiyaların tətbiqi üzrə öncül həkimlərdən biri hesab olunur. Dr. Mehdi Mahmudi 2008-ci ildən başlayaraq 5 il müddətində Post Graduate Course of Dermatology Specialization, 2013-cü ildən isə 3 il müddətində Full Post Graduate Course of Surgery proqramlarını müvəffəqiyyətlə başa çatdırmışdır. Bununla da o, dəri xəstəlikləri ilə yanaşı, dəri cərrahiyyəsi üzrə də peşəkar sertifikat əldə etmişdir. Müxtəlif illərdə Avropanın qabaqcıl ölkələrində və universitetlərində təşkil olunmuş kurs və konfranslarda iştirak edən Dr. Mehdi Mahmudi elmi və praktiki təcrübəsini daim inkişaf etdirmişdir. 2020-ci ilə qədər 150,000-dən çox pasiyentə müxtəlif müalicəvi və kosmetoloji prosedurlar tətbiq etmişdir. Hazırda Akne Klinik Dr. Mehdi Mahmudinin dermatologiya, dəri cərrahiyyəsi və estetik kosmetologiya sahəsindəki uzunillik təcrübəsinə əsaslanaraq Bakıda pasiyentlərə peşəkar tibbi xidmət göstərir.